La formación holandesa de Antillectual aporta esti martes a Asturies. Nun conciertu entamáu por Threepoint Records y Solokolo, esta banda con influencies punk-rock, hardcore y emo va actuar na Antigua Estación d’Uviéu. Nel actu, que va dar empiezu a les 19.30 y lleva un preciu de 5 €, tamién actúen los asturianos Threewordname y Mr. LaFleur.

“Antillectual ye una de las bandes más trabayadores de punk-rock n’Europa”, asina se define esta formación holandesa que s’alcuentra nestos momentos xirando per toa Europa. Con más de 500 conciertos a les espaldes y cuatro trabayos editaos, esti grupu carauterizase por un soníu qu’amesta punk-rock, hardcore, metal y emo y por siguir un filosofía basada nel “Fáelo to mesmu” y la defensa d’un estilu de vida vegano.

Nacidos a finales de 2002 n’Avilés Threewordname ye una banda que practica un estilu hardcore personal. Con dos discos y destacaos conciertos a les sos espaldes, alcuéntrense presentando’l so caberu trabayu “Neverending Circle”, editáu por Threepoint Records. Los otros asturianos que van actuar nesti conciertu son Mr. Lafleur, grupu de punk-rock.