El folk del suroccidente asturianu va aportar esti xueves 6 de mayu a la sidrería Tierra Astur de Cualloto. La formación Brandal, finalistes nel Premiu al Meyor Cantar en Llingua Asturiana cy a los AMAS cola Meyor Canción Folk, van actuar nesti llocal a partir de les 21.30. Ellí van poder sentise los cantares del so discu “Na fonte la canalina” (Fonográfica Asturiana, 2009).

La formación folk Verdasca sigue presentando’l so nuevu trabayu “D’abéu” (Tierra Discos, 2010) per dellos escenarios del país. La prósima cita van tenela esti xueves 29 d’abril nel Pabellón Cajastur del Recintu Ferial Luis Adaro de Xixón. Ellí esta moza propuesta folk va repasar el so repertorio basáu na reellaboración de música tradicional y composiciones propies a partir de les 20.00 hores.

El tríu asturianu folk DRD va actuar esti xueves 22 d’abril nel chigre Cá Beleño d’Uviéu dientro de la minirixa que tán faciendo per dellos llocales del país. A partir de les 23.00 y de baldre, esta banda formada poles flautes de Borja Baragaño, componente de Llangres; Dolfu Fernández, miembro de Llangres y La Bandina’l Tombo, al vigulín; y el buzuqui, guitarra y vigulín Rubén Bada, músicu tamién de Dixera y John McSherry; va ufrir el so repertoriu en vivo.

Güei a les 17.00 entama’l “Primer sidre l’añu”, eventu agroalimentariu y cultural que xira al rodiu la sidra. Dientro d’él va tener llugar el “I Asturiana y Sidra”, muestra musical que va cuntar coles actuaciones d’artistes renomaos del xéneru de l’Asturianada.  El Muséu del Pueblu d’Asturies de Xixón, acueye la celebración d’esti certame entamáu pola revista “La Sidra” dende esti vienres al domingu 4. Con una entrada de 5 euros va dar empiezu a les 17 hores vienres y sábadu y domingu a les 12 la mañana.