Nesti mes de xunu FNAST.NET dedica la so estaya d’actualidá social al históricu conflictu obreru de “Naval Gijón”. Con un reportaxe de Daniel Álvarez, llicenciáu n’historia, activista y trabayaor; faese un repasu históricu a les lluches obreres surdíes nel astilleru xixonés, que peslló les sos puertes pa siempres el pasáu 31 de mayu.

Nesti mes de mayu FNAST.NET dedica la so estaya d’actualidá social a la fecha del Primeru Mayu. Con un reportaxe de Pablo Fierro, estudiante d’historia y trabayaor, faése un repasu al orixen históricu d’esta fecha, asina como a la so trescendencia n’Asturies y les perspectives de futuru d’esti Dia Internacional del Trabayaor.

LA GRAN MENTIRA DE LA CONVERXENCIA EUROPEA 

Alcontrámonos nun momentu de colapsu del sistema capitalista, de caos d’una sociedá avezada a creer que’l dios del mercáu ye omnipotente y d’un resurdimientu de les lluches contra les ofensives neolliberales que mos vienen d’Europa. La neoesclavitú que defendíen cola propuesta de la xornada llaboral de les 65 hores, la inhumana llei d’estranxería europea y la mercantilización encubierta de la educación superior n’Europa son l’exemplu más claru de la desesperación de les élites por meter mano nel caxón común pa salvar un sistema inxustu y elitista que precariza a gran parte de la sociedá y la caltién nuna vida con condiciones indignes, cuando non directamente la saca del propiu sistema.